Í framhaldi af umfjöllun um einelti í lífsleiknitímum í vetur, birtingamyndir þess og alvarlegar afleiðingar  ,,hönnuðu“ nemendur slagorð gegn einelti öllum til áminningar.Nemendur notuðu síðan góða veðrið til að kríta slagorðin á skólavöllinn.

Við í Breiðagerðisskóla viljum kappkosta að því alla daga að eiga jákvæð og ábyrg samskipti svo að öllum geti liðið sem allra best í skólanum. Vinsamleg, ábyrg, hreinskiptin og heiðarleg samskipti allra í skólasamfélaginu með áherslu á lausnir,  er undirstaða vellíðunar, öryggis og hámarksnámsárangurs nemenda á skólagöngu sinni.

Fimmtudaginn 10. maí fór hausthópur í tónmennt í Furugerði 1 og hélt þar tónleika fyrir íbúa og starfsfólk hússins. Nemendur sungu mörg skemmtileg og hugljúf lög. Þeir stóðu sig með miklum sóma og fengu hressingu í lok tónleikanna. Fleiri myndir eru í myndasafni.